حدائق أكتوبر من أوسع مناطق غرب القاهرة، وفيها مشروعات سكنية كتير وكمبوندات، وأجزاء منها لسه بتتبني وبتتسلم. ناس كتير بتنقل لها لأول مرة، وده بيخلي فيه أسئلة لازم تتجاوب قبل يوم النقل.
اعرف الطريق قبل يوم النقل
المنطقة واسعة، والطرق الداخلية في بعض المشروعات لسه بتكمل. ابعتلنا اللوكيشن بالظبط على الخريطة، واسم المشروع أو الكمبوند ورقم العمارة. ولو الطريق للعمارة مش ممهد أو فيه شغل، قولنا، علشان نختار العربية المناسبة.
الوحدة جاهزة؟
لو الشقة جديدة، اتأكد قبل النقل من:
- عدادات الكهربا والمية شغالة، علشان تركيب التكييفات والأجهزة.
- الأسانسير شغال، لو العمارة فيها أسانسير، لأن في عمارات جديدة بيتأخر تشغيله.
- التشطيب خلص والدهان ناشف.
ولو الوحدة اتأخرت بعد ما سبت شقتك، ممكن نخزّن العفش لحد ما تجهز. التفاصيل في صفحة تخزين الأثاث.
العمارات والأدوار
لو الأسانسير لسه ما اشتغلش والدور عالي، القطع الكبيرة بتطلع بـالونش، والباقي بيطلع على السلم بعد الفك والتغليف.
المسافة
حدائق أكتوبر بعيدة نسبياً عن الجيزة ووسط القاهرة، فالنقل لها بيبدأ بدري علشان يخلص في نفس اليوم. والنقل منها لـ6 أكتوبر أو الشيخ زايد أقرب وأسرع.
نصيحة قبل نقلتك
اسأل جيرانك الجداد عن أسهل طريق للعمارة. في المناطق اللي لسه بتتبني، الطريق اللي ظاهر على الخريطة ممكن يكون مقفول.